चेतना अनलाइन
घोराही, २८ असार । घोराही उपमहानगरपालिका वडा नम्बर १४ राप्ती टोलस्थित सिद्धि विनायक ट्रेडर्सका सञ्चालक दीपक गिरीले आफ्नो जन्मदिनको अवसरमा जय महाकाल युवा समूह घोराहीलाई खाद्यान्न सहयाेग गर्नुभएको छ ।
नेपाल पत्रकार महासंघका केन्द्रीय सचिव एवं घोराही बनाउँ अभियानका संयोजक एवं जय महाकालका सल्लाहकार सबिन प्रियासन मार्फत सो खाद्यान्न प्रदान गर्नुभएको हो । जय महाकाल समूहले घोराही क्षेत्रमा परेका नागरिकहरुलाई विगत २८ दिनदेखि खाना खुवाइरहेको छ ।
घोराही बनाउ अभियानका संयोजक एवं जय महाकालका सल्लाहकार प्रियासनले गिरीको सामाजिक सोचप्रति धन्यवाद ज्ञापन गर्नुभयो । उहाँले युवाहरूमा सकारात्मक सोचको विकास र सहयोगी भावको विकास गर्न जरुरी रहेको धारणा व्यक्त गर्नुभयाे ।
