घोराही उपमहानगरपालिका वडा नम्बर ५ धौलाडाँडा चोक देखि गोठ्लीगाउँ जाने बाटो कालोपत्रे गरिएको छ ।
नगरको बहुबर्षिय योजना अनुसार यस बर्ष ६ सय मिटर सडक अक्सपाल्ट प्रविधीबाट कालोपत्रे गरिएको छ । गोठ्लीगाउँ पुग्न बाँकी थप ६ सय मिटर कालोपत्रे आउने आर्थिक बर्षमा हुने वडा अध्यक्ष विवेक बुढाथोकीले जानकारी दिनुभयो ।
सडक कालोपत्रे भएपछि नगर प्रमुख नरुलाल चौधरी, वडा अध्यक्ष विवेक बुढाथोकी, प्रेस संयोजक निमुसंगम घर्तीले सडकको अबलोकन गर्नुभएको छ ।
धौलाडाँडा गोठ्लीगाउँ टोल विकास संस्थाका अध्यक्ष टीका केसी सहित स्थानीयहरुको उपस्थिती समेत रहेको थियो । गाउँमा यो खालको पिच सडक बनेपछि आफुहरु निकै खुशी भएको स्थानीयहरुले बताउनुभयो ।
