सुजुकीको नयाँ भिटारा ब्रेजा गाडी सार्वजनिक, दाङमा बिक्रि सुरु

 

Advertisement. Custom Text

घोराही, १२ साउन

नेपालका लागि सुजुकी ब्रान्डका कारको आधिकारिक विक्रेता तथा सीजी होल्डिंग्सको अटोमोटिभ डिभिजन सीजी मोटोकर्पले नेपाली बजारमा नयाँ पावरफुल र स्टाइलिस भिटारा ब्रेजा सार्वजनिक गरेको छ । स्पोर्टी र बोल्ड लुक्सबाट सज्जित सुजुकीको नयाँ कम्प्याक्ट एसयुभीमा प्रिमियम इन्टेरियरका साथै ‘फस्ट–इन–क्लास’ फिचरहरु रहेका छन् । सुजुकी गाडीको आधिकारीक बिक्रेता स्वर्गद्धारी अटो डिष्ट्रव्युटर्स घोराहीले सोमबार उक्त गाडीको सार्वजनिक गरेको हो । डिष्ट्रव्यूटर्स सञ्चालक संकल्प श्रेष्ठले आफ्ना छोरीहरु साहिरा श्रेष्ठ र सुज्याना श्रेष्ठले एक कार्यक्रमका बिच सार्वजनिक गर्नुभएको हो ।

४१ लाख रुपैयाँ पर्ने उक्त गाडी बुक भैसकेको श्रेष्ठले जानकारी दिनुभयो । साविक राप्ती अञ्चलको आधिकारीक बिक्रेता स्वर्गद्धारी अटो डिष्ट्रव्युटर्स घोराहीले यो गाडी सहित १६ वटा मोडेलको गाडी बिक्रि गर्दै आएको छ । १४६२ सीसीको ‘के–सिरिज’ बीएस ६ पेट्रोल इन्जिन जडित भिटारा ब्रेजाले ग्राहकलाई सन्तुष्ट बनाउने संकल्प श्रेष्ठको भनाई छ । ५ स्पिड म्यानुअल ट्रान्समिसन रहेको नयाँ कम्प्याक्ट एसयुभी भीएक्सआई र जेडएक्सआई प्लस गरी दुई भेरियन्टमा उपलब्ध छ ।

चार वर्षअघि सार्वजनिक गरिएको भिटारा ब्रेजा नेपालमै सबैभन्दा बढी विक्री भएको एसयुभीमध्ये पर्ने कम्पनीको भनाई छ । नयाँ भिटारा ब्रेजा पहिलेभन्दा बढी बोल्ड, स्पोर्टी र पावरफुल भएर आएको बताईएको छ । सन् २०१६ मा सार्वजनिक भएको भिटार ब्रेजाले केही समयमै अटो बजारमा तहल्का मच्चाउँदै सबैभन्दा बढी अवार्ड हासिल गर्न सफल एसयुभी बनेको थियो । नयाँ भिटारा ब्रेजा पहिलेभन्दा बढी शक्तिशाली मात्र बनेको छैन यसमा सेग्मेन्टमै सबैभन्दा बढी र कसैसँग नभएको फिचरहरु रहेको सीजी मोटोकर्पका कार्यकारी निर्देशक करण चौधरीले बताउनुभयो । नयाँ भिटार ब्रेजामा सेग्मेन्टमै पहिलो पटक डुअल च्याम्बर एलईडी प्रोजेक्टर हेडल्याम्प, अटो फोल्डिंग ओआरभीएम जस्ता फिचर छन् ।

साथै यसमा १७÷७८ सेन्टिमिटरको टचस्क्रिन स्मार्ट प्ले स्टुडियो, अटो एसी, भ्वाइस कमान्ड, स्मार्ट की, एलईडी फगल्याम्प, अटो डिमिंग आईआरभीएम, रेन सेन्सिंग वाईपर, क्रुज कन्ट्रोल, डाईमन्ड–कट एलोई ह्वील रहेका छन् । नयाँ भिटारा ब्रेजमा सेफ्टी प्याकेजलाई स्ट्यान्डार्डको रुपमा राखिएको छ । स्टेट अफ आर्ट टीईसीटी च्यासिस्, डुअल एअरब्याग, ईबीडीसहितको एबीएस, पेडेस्ट्रियन प्रोटेक्सन सिस्टम, रिभर्स सेन्सर, आईसो फिक्स चाइल्ड एन्करेज र फोर्स लिमिटर प्रिटेन्सन सहितको सिट बेल्ड पनि स्ट्यान्र्डको रुपमा राखिएको छ ।

[reactionpoll]
प्रतिक्रिया 0

प्रतिकृया दिनुहोस्

Your email address will not be published.