राप्ती शिक्षा क्याम्पस घोराहीमा नव आगन्तुक विद्यार्थीलाई स्वागत गरिएको छ ।
बीएड दोस्रो बर्षका विद्यार्थीहरुले प्रथम बर्षका विद्यार्थीलाई स्वागत गरेका हुन् ।
विद्यार्थी शिव भट्टराईको अध्यक्षता र क्याम्पस प्रमुख हुकुम बुढाथोकीको प्रमुख आतिथ्यमा कार्यक्रम भएको हो ।
प्रमुख अतिथि बुढाथोकीले विद्यार्थीलाई निरन्तर अध्ययन अनुसन्धानमा लाग्न आग्रह गर्नुभयो । जसको जुन क्षेत्रमा क्षमता र रुचि छ त्यसमा अघि पढ्नुपर्ने उहाँले विद्यार्थीलाई सुझाव दिनुभयो ।
कार्यक्रममा उपप्राध्यापक चन्द्रबहादुर थापालगायतले सम्बोधन गर्नुभएको थियो भने विद्यार्थीहरुले बिबिध सास्कृतिक प्रस्तुति देखाएका थिए ।
कार्यक्रम सन्चालन सुवास क्षेत्री र कविता केसीले गर्नुभएको थियो ।