घोराही उपमहानगरको न्यायिक समितिबाट एक सय ९० मुद्धामा मिलापत्र

घोराही उपमहानगरपालिकाअन्तर्गत न्यायिक समितिले चालु आर्थिक वर्षमा १९० मुद्धामा मिलापत्र गरेको छ ।

अघिल्लो वर्ष जिम्मेवारी सरि आएका १०७ र नयाँ दर्ता भएका ७९ मुद्धामा मिलापत्र गरेको न्यायिक समितिका संयोजक तथा घोराही उपमहानगरपालिकाका उपप्रमुख सीता सिग्देल न्यौपानेले जानकारी दिनुभयो ।

वार्षिक प्रगति विवरण सार्वजनिक गर्दै न्यायिक समितिले बन्दावन्दीमा पनि मिलापत्रका काम गरेकाले मुद्धा छिनोफानोमा प्रगति हासिल गरिएको संयोजक न्यौपानेले बताउनुभयो ।

उहाँले लेनदेनका ४५, जग्गा विवादका ५५, कुलोपानीका ६, वातावरण सम्वन्धि ५, घरेलु हिंसा ३१, जग्गा र वैंक खाता रोक्का ३, मानाचामल ६, कुटपिटका १ र अन्य ३८ गरी यो आर्थिक वर्षमा १ सय ९० मुद्धामा मिलापत्र गरिएको हो ।

तर यो वर्ष ९४ मुद्धा फछ्र्यौट हुन सकेनन । जसमा जिम्मेवारी सरि आएका १९ र नयाँ दर्ता भएका ७५ मुद्धा फछ्र्यौट हुन बाँकी छन । न्यायिक समितिका अनुसार यो वर्ष लकडाउनका कारण पनि मुद्धा दर्तामा कमी आएको हुनसक्ने न्यायिक समितिले जनाएको छ ।

घरबाट बाहिर निस्कन समस्या भएका कारण कतिपय मुद्धा न्यायिक समिति सम्म आउन नसकेका पनि होलान न्यायिक समितिका संयोजक न्यौपानेले भन्नुभयो,– कतिपयमा हिंसा गर्न हुँदैन भन्ने चेतना बढेर पनि कम भएको हुनसक्छ ।

चालु आर्थिक वर्षमा लेनदेनका २०, जग्गा विवादका ३१, कुलोपानीका १, वातावरण सम्वन्धि ३, घरेलु हिंसा १५, गाली वइज्जति १, जग्गा र वैंक खाता रोक्का ४१ गरी कुल १ सय ५४ मुद्धा दर्ता भएका थिए ।

अघिल्लो वर्ष जिम्मेवारी सरेका १ सय २६ गरी यो वर्ष कुल २ सय ८० मुद्धा न्यायिक समितिमा थिए । वार्षिक प्रगति विवरण सार्वजनिक कार्यक्रममा घोराही उमहानगरपालिकाका प्रमुख नरुलाल चौधरीले न्यायिक समितिका कारण नागरिकलाई सर्वसुलभ न्याय पाउन सहज भएको उल्लेख गर्नुभयो ।

पत्रकार सम्मेलनमा उपमहानगरपालिकाका कानुनी सल्लाहकार भूपबहादुर डाँगी, नेपाल पत्रकार महासंघ दाङका अध्यक्ष सविन प्रियाशनलगायत सहभागिता थियो ।

कार्यक्रमको सहजीकरण न्यायिक समितिका कानुन अधिकृत पर्तला देवकोटाले गर्नुभएको थियो ।

भर्खरै प्रकाशित

मूल्यको कसीमा माया

विन्दु केसी सुन्दैछु तिमीले मायाको हिसाब गर्दै छौ रे मायामा गरेको लगानी डुब्यो भन्दै छौ रे । कहाँ निर जोड्ने कहाँ घटाउने कति नाफा अनी…

बिधता

अस्मिता एमसि बिधता , साच्चै कस्तो हुन्छ होला ? बिधता लेख्ने कलम कस्तो रङ्ग को हुन्छ होला? बिधता लेख्ने मसि म संग पनि भैदिए बिधता…

जेहेनदार विद्यार्थीलाई एभरेष्ट बैंकको छात्रवृत्ति

रुकुम पश्चिम, २० साउन । एभरेष्ट बैंक रुकुम पश्चिमले पाँच विद्यार्थीलाई छात्रवृत्ति प्रदान गरेको छ । जिल्ला सदरमुकाम मुसीकोटमा रहेको मुसीकोट खलंगा बहुमुखी क्याम्पसमा अध्यनरत…

पर्यटन क्षेत्रकाे विकासका लागि पूर्वाधारमा लगानी आवश्यक : महरा

पाण्डव शर्मा घाेराही, २० साउन। पूर्वसभामुख कृष्णबहादुर महराले पर्यटन क्षेत्रकाे विकासका लागि पूर्वाधारमा लगानी गर्नुपर्ने बताउनुभएको छ । घाेराही उपमहानगरपालिका वडा नं १३ स्थित ज्यामिरे…

सहिद कृष्णसेन इच्छुक बहुप्राबिधिक शिक्षालयमा तीन वटा कार्यक्रम थप

सहिद कृष्णसेन इच्छुक नमूना बहुप्राबिधिक शिक्षालयमा तीन वटा कार्यक्रम थपिएका छन् । प्राबिधिक शिक्षा तथा व्यावसायिक तालिम परिषद् (सिटिइभिटी)को १८०औं बैठकद्वारा तीन कार्यक्रम थपिएका हुन्…