मुख्यमन्त्री ग्रामीण विकास कार्यक्रमद्वारा २४ हजार बिरुवा बितरण

दाङ, असार १८ । दाङका कृषकहरु परम्परागत खेती छाडेर फलफूल खेतीतर्फ आकर्षित हुन थालेका छन् । परम्परागत खेतीबाट पारिवारिक लालनपालन गर्न धौ–धौ हुन थालेपछि फलफूलखेतीतर्फ आकर्षित हुन थालेको कृषकहरु बताउँछन् ।

निर्वाहमुखी कृषि पेशाको बिकल्पमा कृषकहरु लाग्न थालेको भन्दै राप्ती गाउँपालिकाले यस वर्ष ३० हजार कागतीका बेर्ना बितरण गरेको जनाएको छ । कृषकहरुबाट कागतीको बेर्ना अत्यधिक माग भएपछि ३० हजार कागतीका बेर्ना कृषकहरुलाई उपलब्ध गराएको राप्ती गाउँपालिकाका अध्यक्ष नुमानन्द सुवेदीले जानकारी दिनुभयो । मुख्यमन्त्री ग्रामीण विकास कार्यक्रमअन्तर्गत १४ हजार र गाउँपालिकाको कृषि शाखाअन्तर्गत १६ हजार कागतीका बेर्ना बिरतरण गरिएको अध्यक्ष सुवेदीले जानकारी दिनुभयो ।

‘पछिल्लो समय कृषकहरु परम्परागत खेतीको बिकल्पमा रहेको पाइएको छ । कृषकहरुको माग अनुसार यस वर्ष ३० हजार कागतीका बेर्ना बितरण गरेका छौं’, अध्यक्ष सुवेदीले भन्नुभयो, ‘वडानम्वर ९ लाई १४ हजार र अन्य ८ वटा वडालाई २/२ हजारका दरले कागतीको बेर्ना बितरण गरेका छौं ।’

देविकोटलाई कागतीको हव बनाइने
राप्ती गाउँपालिकालाई कागतीमा आत्मनिर्भर बनाउने उद्देश्यले वडानम्वर ९ को देविकोटलाई कागतीको हव बनाउन थालिएको राप्ती गाउँपालिकाले जनाएको छ । अध्यक्ष नुमानन्द सुवेदीले कागती उत्पादनका लागि उर्वर मानिने देविकोटमा यसवर्ष १४ हजार ४ सय बेर्ना बितरण गरेको जानकारी दिनुभयो । मुख्यमन्त्री ग्रामीण विकास कार्यक्रमको सहयोगमा देविकोटलाई कागतीको हव बनाउन लागेको अध्यक्ष सुवेदीले जानकारी दिनुभयो । मुख्यमन्त्री ग्रामीण विकास कार्यक्रमको रु ४ लाख रुपैयाको लागतमा देविकोटलाई कागतीको हव बनाउन लागेको अध्यक्ष सुवेदीले जानकारी दिनुभयो । राप्ती गाउँपालिकामा आवश्यक कागतीको मागलाई धान्न सक्नेगरी उत्पादन गर्ने लक्ष्य लिएको जानकारी दिनुभयो ।

एउटै किसानले दुई बिगाह जग्गामा कागती खेती
परम्परागत खेतीमा भन्दा बढी उत्पादन दिने भएपछि देविकोटका कृषकहरु कागती खेतीमा होमिएको वडानम्वर ९ का अध्यक्ष रिमबहादुर सुनारी मगरले जानकारी दिनुभयो । देविकोटमा कागतीको राम्रो उत्पादन गरेको भन्दै वडाध्यक्ष सुनारी मगरले एउटै कृषकले २ बिगाहा बढी जग्गामा कागती खेती सुरु गरेको जानकारी दिनुभयो । ‘देविकोटमा पहिलेदेखि नै कागती उत्पादन हुँदै आएको छ । कृषकहरुले एउटै बोटबाट ५ हजार रुपैयाको कागती बिक्री गर्न थालेपछि व्यवसायीक कागती खेतीतर्फ कृषकहरुको आकर्षण बढ्न थालेको छ’, वडाध्यक्ष सुनारी मगरले भन्नुभयो, ‘परम्परागत खेती छाडेर कृषकहरुले २ बिगाहसम्मको जग्गामा कागती खेती सुरु गर्नुभएको छ ।’

बंगलाचुलीको वडानम्वर ५ फलफूलको हव बन्दै
बंगलाचुली गाउँपालिकाले वडानम्वर ५ लाई फलफूलको हव बनाउन सुरु गरेको छ । फलफूल खेतीका लागि वडानम्वर ५ अत्यन्तै सम्भावना बोकेको क्षेत्र रहेको भन्दै गाउँपालिकाका अध्यक्ष भक्तबहादुर ओलीले कुडुले, साकिनी, मुर्कुटीमा व्यवसायिक फलफूल खेती सुरु गरेको जानकारी दिनुभयो । मुख्यमन्त्री ग्रामीण विकास कार्यक्रमको सहयोगमा यसवर्ष ५ हजार कागती र ५ हजार सुन्तलाका बिरुवा रोपिएको भन्दै अध्यक्ष ओली अघिल्लो वर्ष पनि यही परिमाणमा सुन्तला र कागतीमा बिरुवा रोपिएको जानकारी दिनुभयो ।

दाङखबरबाट

भर्खरै प्रकाशित

रसायनिक मल कारखाना खोल्न नेपालमै सम्भव छ

३० असोज, काठमाडौं । नेपालमा रसायनिक मल कारखाना स्थापना सम्बन्धमा अध्ययन गर्न बनेको कार्यदलले नेपालमै रसायनिक मल कारखाना खोल्न सम्भव भएको निश्कर्ष निकालेको छ ।…

सिभिल इञ्जिनियरिङको पहिलो बर्षमा रझेनाका विद्यार्थीले गरे नेपाल टप

दाङको माध्यमामिक विद्यालय रझेना घोराहीको प्राबिधिक शिक्षालयमा अध्ययनरत कमल केसीले डिप्लोमा इन सिभिल इञ्जिनियरिङ कार्यक्रमको प्रथम वर्ष दोस्रो खण्डको परीक्षामा नेपाल टप गर्नुभएको छ ।…

चलचित्रकर्मी पीडित छायांकनस्थल अध्ययन समितिमा नियुक्त

चेतना अनलाइन , काठमाडौं । नेपाल पत्रकार महासंघ दाङका पूर्व अध्यक्ष एवं चलचित्र निर्देशक केएल पीडितलाई चलचित्र विकास बोर्डले लुम्बिनी प्रदेशमा चलचित्र छायांकनस्थल निर्माणको संभाव्यता…

दाङमा जिल्ला प्रशासनसहितका सरकारी कार्यालय बन्द

२६ असोज, दाङ । कोरोना भाइरस संक्रमणका कारण दाङमा जिल्ला जिल्ला प्रशासनसहितका चार सरकारी कार्यालयहरु बन्द गरिएको छ । जिल्ला प्रशासन कार्यालय र जिल्ला अदालत…

यसरी बसाल्न सकिन्छ देउखुरीमा व्यवस्थित शहर

पाण्डव शर्मा प्रदेश सभाबाट दुई तिहाई मतले दाङ र अर्घाखाँचीमा पर्ने राप्ती उपत्यकामा प्रदेशको स्थायी राजधानी घोषणा भएसँगै नयाँ बहस शुरु भएको छ । कतिपयले…