नेपाल आयरल्यान्डसँग १३ रनले पराजित

मस्कट : नेपालले सुरुवाती ब्याटिङ आक्रामक गरे पनि मध्यक्रममा ब्याटिङ नचल्दा आयरल्यान्डसँग १३ रनले पराजित भएको छ।

ओमानमा भइरहेको पाँच देश सम्मिलित टी–२० सिरिजमा आफ्नो तेस्रो खेलमा नेपाल आयरल्यान्डसँग हारेसँगै सिरिज जित्ने लक्ष्यमा धक्का लागेको छ। नेपालले पहिलो दुई खेलमा सनसनीपूर्ण जित निकाले पनि तेस्रो खेलको हारसँगै सिरिज जित्ने यात्रामा धक्का लागेको हो।

टस हारेर १४६ रनको विजय लक्ष्य पछ्याएको नेपालले १९.५ ओभरमा अलआउट हुँदै १३२ रन मात्र बनाउन सक्यो।

सुरुवातमा कप्तान पारस खड्काले आक्रामक ब्याटिङ गरे। उनले १४ बलमा २५ रन जोडे। त्यस्तै आरिफ शेखले २६ रन जोडे। ओपनर इशान पाण्डेले ३० बलमा २२ रन जोडे। आठौँ नम्बरमा ब्याटिङ गर्न आएका करण केसीले १६ रन जोडे। अन्त्यमा आक्रमक ब्याटिङ गरेका उकनले मात्र ९ बलमा १ छक्का र १ चौका हिर्काए। अन्तिम ओभरमा २५ रन चाहिएको बेला उनले ओभरको पहिलो र दोस्रो बलमा क्रमशः छक्का र चौका हिर्काएर आशा जगाएका थिए । तर तेस्रो बलमा बाउन्ड्री लाइनमा क्याच आउट भयो।

आयरल्यान्डलाई जित दिलाउन मार्क अदेयर र जर्ज डक्रेलले महत्वपूर्ण ३÷३ विकेट लिए।

जारी सिरिजमा नेपालसहित आयोजक ओमान, आयरल्यान्ड, नेदरल्यान्ड र हङकङ सहभागी छन्।

नेपालले अब बिहीबार आयोजक ओमानसँग खेल्नेछ।

भर्खरै प्रकाशित

दाङमा ‘गिफ्ट कल्चर’ बढ्दै

चेतना अनलाइन घोराही, ३० चैत । दाङमा पछिल्लो समय गिफ्ट कल्चर बढ्न थालेको छ । केही वर्ष पहिलेसम्म विशेष गरेर किशोरकिशोरीहरुमा गिफ्ट दिने प्रचलन भए…

पारुको अंगालो !

पाण्डव शर्मा छोराको स्कुल बस आउन निकै ढिलो भएको थियो । अफिसबाट मलाई तारन्तार फोन आइरहेको थियो । अरु दिन पौने १० बजे नै आइपुग्ने…

आज क्षयरोग दिवस, के हो क्षयरोग ?

डिल्लीराज आचार्य हरेक बर्षको मार्च २४ अन्तराष्ट्रिय क्षयरोग दिवस मनाइन्छ । अर्थात् ” mycobacterium tuberculosis” क्षयरोग बनाउने किटाणु पत्ता लागेको दिन हरेक बर्षको मार्च २४…

भुमिगत राजनीति छाडेका विप्लवले गुरु महरालाई भेटे

चेतना अनलाइन काठमाण्डाै । नेपाल कम्युनिस्ट पार्टीका महासचिव विप्लवले नेपाल कम्युनिस्ट पार्टी (नेकपा) का स्थायी समिति सदस्य एवम् पूर्वसभामुख कृष्णबहादुर महरालाई उहाँकै निवास पुगेर भेट…

दाङमा रातमा पनि व्यापार व्यवसाय सञ्चालन गर्नुुपर्छ

  लिला डिसी सञ्चालक न्यू टि थ्री प्यालेस, घोराही १५ दाङ न्यू टि थ्री प्यालेसका सञ्चालक लिला डिसी दाङमा पनि रातको समयमा व्यापार व्यवसाय सञ्चालन…