डाक्टर बन्ने सपनामा कोरिओग्राफर अञ्जली न्यौपाने

पाण्डव शर्मा

घोराही, ६ जेठ । घोराही उपमहामनगरपालिका वडा नं १५ शंकर नगर टोल निवासी अञ्जली न्यौपाने कोरिओग्रफर हुन् । सानै देखि कलाकारीता क्षेत्रमा रुची राख्ने अञ्जलीले अहिले सम्म विभिन्न प्रतियोगितामा उपाधिहरु समेत हासिल गरेकी छिन् ।

प्लसटू सकेर उच्च शिक्षाको पर्खायमा रहेकी अञ्जली अहिले कलाकारीतासँगै आफ्नो शैक्षिक भविष्य उज्ज्वलका लागि संघर्षरत छिन् । ‘भविष्यमा एउटा कुशल आर्युवदे डाक्टर बन्ने मेरो सपना रहेको छ, अहिले त्यसकै तयारीका लागि अध्ययन गरिरहेको छु,’ उनी भन्छिन्, ‘मोडलिङ मेरो रुचीको क्षेत्र हो, यसलाई पनि निरन्तरता दिने सोँचमा छु ।’

सुन्दरतासँगै वौद्धिकताको पनि उत्तिकै महत्व हुने भएकाले आँफूले यस क्षेत्र रोजेको अञ्जली बताउँछिन् । ‘मोडलिङ भनेको शरीर प्रर्दशन गर्ने मात्र होइन, यहाँ पनि ज्ञानगुण र बौद्धिकताका कुरा हुन्छन्,’ उनले भनिन्, ‘मोडलिङ क्षेत्रलाई अँझ सम्मानित बनाउनका लागि बौद्धिक व्यक्तिहरु यो फिल्डमा आउन जरुरी छ ।’

अञ्जलीले यस अघि पनि धेरै उपाधिहरु हासिल गरिसकेकी छिन् । उनले सन् २०१४ मा मिस्टर एण्ड मिस लिटिल दाङमा वेष्ट क्याटवाकको अवार्ड पाइन् । सन् २०१६ मा दाङमा भएको मिस्टर एण्ड मिस राप्तीमा सहभागी भएर मोस्ट ट्यालेन्ट र मोष्ट कन्फिडेण्ट अवार्ड प्राप्त गर्न सफल भइन् । सो प्रतियोगितामा उनले समग्र प्रस्पिर्धामा तेस्रो उपाधा िहासिल गर्न सफल भएकी थिइन् । त्यसैगरी सन् २०१८ मा मिस एसइइ दाङ भयो । सो प्रतियोगितामा अञ्जली सेकेण्ड रनर अफ र मिस लिडरसिप भएकी थिइन् ।

अञ्जली सन् २०१९ मा दाङको घोराहीमा भएको मिस्टर एण्ड मिस दाङमा फष्ट रनरअफ र मोष्ट कन्फिडेन्टको उपाधि हासिल गर्न सफल भएकी थिइन् ।

‘म कक्षा दुईमा पढ्दा देखि नै कलाकारीता क्षेत्रतर्फ रुची राख्दथे,’ अञ्जलीले भनिन्, ‘मेरो बुवा आमाले पनि मलाई सधै कलाकारीता तर्फ लाग्न प्रेरित गर्नुभयो, उहाँहरुले कलाकारीताका साथै पढाइलाई पनि निरन्तरता दिन आग्रह गर्नुहुन्छ ।’

भविष्यमा डाक्टर बनेर गरिव दुखीको सेवा गर्ने आफ्नो लक्ष्य रहेको अञ्जली बताउँछिन् । ‘म आर्युवेद डाक्टर बनेर हाम्रो मुलुकको स्वास्थ्य क्षेत्रको विकासका लागि काम गर्न चाहन्छु,’ उनले भनिन्, ‘साथै मोडलिङ क्षेत्रमा आफ्नो क्षमता प्रस्तुत गरेर यो फिल्डलाई सम्मानित गराउन चाहन्छु ।’


अहिले कोरिओग्राफरको रुपमा समाजमा स्थापित भइसकेकी अञ्जली विभिन्न प्रतियोगितामा नेपालगञ्ज, बुटवल, तुलसीपुर लगायतमा स्थानमा गएर निर्णायमण्डलमा बसेर समेत काम गरिसकेकी छन् । कुनै पनि मोडलिङ वा दृष्यमा देखाउने भिडियोहरुमा कोरिओग्राफरको भूमिका महत्वपूर्ण हुने उनको भनाई छ ।

 

 

भर्खरै प्रकाशित

दाङमा लकडाउन असार ८ गतेसम्म, सरकारी कार्यालय आंशिक खुल्ने

  असार,१/घोराही । दाङमा लकडाउन एक सातालाई थप गरिएको छ । जिल्ला कोरोना नियन्त्रण ब्यबस्थापन समितिको मंगलबार (आज) घोराहीमा बसेको बैठकले लकडाउनलाई केही खुकुलो बनाउँदै…

वातावरण दिवस :  घोराहीको झिगौरामा वृक्षारोपण

चेतना अनलाइन घोराही, २२ जेठ । विश्व वातावरण दिवसका अवसरमा घोराही १४ झिगौरामा वृक्षारोपण गरिएको छ । नयाँ सोच र सृजना, पारिस्थितिकीय प्रणालीको पुनर्स्थापनामा भन्ने…

हेल्पिङ ह्याण्ड जापान र उज्यालो बिहानीको सहकार्यमा अग्नि पीडित रोल्पालीलाई खाद्यान्न…

सन्तोष डाँगी  रोल्पा । हेल्पिङ ह्याण्ड जापान  टिमको आर्थिक सहयोगमा उज्यालो बिहानी फाउण्डेसनले रोल्पा त्रिवेणी गाउँपालिकाका विभिन्न वडामा अग्नि पीडितहरूलाई  खाद्यान्न सहयोग गरेको छ। फाउण्डेसनले शुक्रबार त्रिवेणी…

कागतीका बोटसंग रमाउँदै नेता थापा

केएल बुढाथोकी घोराही, २२ जेठ । घरको उत्तरतिर ३ कठ्ठा जग्गामा कागतीको मनोरम बगैंचा छ । लहरै रोपिएका सर्लक्क बढेर झुम्म परेका बोटहरुमा फूल र…

एसईई र कक्षा १२ को परीक्षा वैकल्पिक विधिबाट गर्न सिफारिस

चेतना अनलाइन काठमाण्डौ , १६ जेठ । राष्ट्रिय परीक्षा बोर्डले माध्यमिक शिक्षा परीक्षा एसईई र कक्षा १२ को परीक्षा वैकल्पिक विधिबाट गर्न सिफारिस गरेको छ…