अस्पताल नै बन्दैछन् कोरोनाको जोखिम, दाङमा २५ जना स्वास्थ्यकर्मी संक्रमित

पाण्डव शर्मा

घोराही, २३ बैशाख । दाङमा पछिल्लो समय धमाधम डाक्टरहरु नै कोरोना संक्रमित हुन थालेका छन् ।

डाक्टर तथा अन्य स्वास्थ्यकर्मीहरु कोरोना संक्रमित हुन थालेपछि सरकारी तथा निजी अस्पतालहरुमा उपचारका लागि समस्या देखिएको छ । एकातर्फ कोरोना संक्रमितहरुले बेड र अक्सिनज नपाएर छट्पटिनुपरेको छ भने अर्को तर्फ अन्य बिरामीहरु उपचारका लागि अस्पताल जाँदा त्यहीँबाट कोरोना संक्रमित हुने खतरा बढेको छ ।

डाक्टर तथा स्वास्थ्यकर्मीहरु कोरोना संक्रमित हुन थालेपछि अस्पतालहरुको स्वास्थ्य सेवा प्रभावित हुन थालेको छ ।

आज बिहिबार बिहानसम्म दाङमा ७ जना डाक्टर कोरोना संक्रमित भइसकेका छन् । त्यसैगरी स्टाप नर्श, अनमी, एचए, अहेव, ल्याव टेक्निसियन÷असिष्टेन्ट सहित १८ जना कोरोना संक्रमित भएको नेपाल चिकित्सक संघ दाङका अध्यक्ष डाक्टर कुबेर कुमार रेग्मीले जानकारी दिनुभयो । उहाँका अनुसार हालसम्म डाक्टर सहित कुल २५ जना स्वास्थ्यकर्मी कोरोना संक्रमित भएका छन् ।

जनताको जीवन बचाउने स्वास्थ्यकर्मीहरु नै धमाधम कोरोना संक्रमित हुन थालेपछि स्वास्थ्य क्षेत्रमा थप जटिलता आउने चिन्ता व्यक्त भइरहेको छ । ‘स्वास्थ्यकर्मीहरुको अहिलेको पहिलो प्राथमिकता आफू सुरक्षित हुँदै बिरामीको सेवा गर्नु हो,’ डा. रेग्मीले भन्नुभयो, ‘अहिले कतिपय कोरोना संक्रमित स्वास्थ्यकर्मीहरु निकै समस्यामा परेका छन् ।’

विशेष गरेर परिवार सहित डेरा गरेर बस्ने स्वास्थ्यकर्मीहरुका लागि निकै समस्या भएको उहाँले जानकारी दिनुभयो । ‘एउटै कोठामा परिवार सहित बस्नुपर्ने बाध्यता रहेको छ, हाम्रा स्वास्थ्यकर्मीहरुले आफ्ना परिवारलाई संक्रमण सार्न सक्ने जोखिम बढेको छ,’ डा. रेग्मीले भन्नुभयो, ‘बृद्ध बाआमा र स–साना बालबालिकाहरुसँग साथै बस्ने स्वाथ्यकर्मीका लागि छुट्टै बस्ने व्यवस्था गर्न सकिएको छैन ।’

संक्रमित स्वास्थ्यकर्मीहरुका लागि सरकारले छुट्टै आइसोलियसन बनाउनुपर्ने डा. रेग्मीको भनाई छ । ‘अरुको जीवन बचाउने स्वास्थ्यकर्मी आँफै असुरक्षित हुँदा कसरी जनताले सेवा पाउँछन् ?’ उहाँले भन्नुभयो, ‘यसतर्फ सम्बन्धित निकायको समयमै ध्यान जान जरुरी छ ।’

भर्खरै प्रकाशित

दाङमा लकडाउन असार ८ गतेसम्म, सरकारी कार्यालय आंशिक खुल्ने

  असार,१/घोराही । दाङमा लकडाउन एक सातालाई थप गरिएको छ । जिल्ला कोरोना नियन्त्रण ब्यबस्थापन समितिको मंगलबार (आज) घोराहीमा बसेको बैठकले लकडाउनलाई केही खुकुलो बनाउँदै…

वातावरण दिवस :  घोराहीको झिगौरामा वृक्षारोपण

चेतना अनलाइन घोराही, २२ जेठ । विश्व वातावरण दिवसका अवसरमा घोराही १४ झिगौरामा वृक्षारोपण गरिएको छ । नयाँ सोच र सृजना, पारिस्थितिकीय प्रणालीको पुनर्स्थापनामा भन्ने…

हेल्पिङ ह्याण्ड जापान र उज्यालो बिहानीको सहकार्यमा अग्नि पीडित रोल्पालीलाई खाद्यान्न…

सन्तोष डाँगी  रोल्पा । हेल्पिङ ह्याण्ड जापान  टिमको आर्थिक सहयोगमा उज्यालो बिहानी फाउण्डेसनले रोल्पा त्रिवेणी गाउँपालिकाका विभिन्न वडामा अग्नि पीडितहरूलाई  खाद्यान्न सहयोग गरेको छ। फाउण्डेसनले शुक्रबार त्रिवेणी…

कागतीका बोटसंग रमाउँदै नेता थापा

केएल बुढाथोकी घोराही, २२ जेठ । घरको उत्तरतिर ३ कठ्ठा जग्गामा कागतीको मनोरम बगैंचा छ । लहरै रोपिएका सर्लक्क बढेर झुम्म परेका बोटहरुमा फूल र…

एसईई र कक्षा १२ को परीक्षा वैकल्पिक विधिबाट गर्न सिफारिस

चेतना अनलाइन काठमाण्डौ , १६ जेठ । राष्ट्रिय परीक्षा बोर्डले माध्यमिक शिक्षा परीक्षा एसईई र कक्षा १२ को परीक्षा वैकल्पिक विधिबाट गर्न सिफारिस गरेको छ…