दाङ उवासंघमा चुनावी सरगर्मी, नेकपा एकताबद्ध भएर जाने

चेतना अनलाइन

घोराही, ७ मंसिर । दाङ जिल्ला उद्योग वाणिज्य संघको यहीँ पुस २० गते हुन थालेको अधिवेशनको नयाँ नेतृत्वका लागि चहलपहल शुरु भएको छ ।

नेतृत्वका लागि नेपाल कम्युनिष्ट पार्टी (नेकपा) र नेपाली कांग्रेस सम्बद्ध व्यसायीहरु नेतृत्वका लागि दौडधुप शुरु गरेका छन् । कोरोना महामारीका कारण ढिलो गरे हुन थालेको उवासंघको अधिवेशन नजिकिएसँग व्यसायीहर नेतृत्वका लागि दौडधुप गर्न थालेका हुन् । दुबै पक्षका व्यवसायीहरु अहिले नेतृत्वका लागि आआफ्नो तयारीमा जुटेका छन् । यसैबीच नेपाल कम्युनिष्ट पार्टी (नेकपा) निकट व्यसायीहरु एकताबद्ध भएर जाने भएका छन् ।

मंगलवार नेकपा दाङ उद्योग विभागले आयोजना गरेको भेलामा व्यवसायीहरुले एकताबद्ध भएर जाने निर्णय गरेका हुन् । उद्योग विभाग प्रमुख गेहेन्द्र बस्नेतको अध्यक्षतामा भएको भेलाले उवासंघको अधिवेशनमा एक ढिक्का भएर जाने निर्णय गरेको हो । भेलाले बस्नेतकै संयोजकत्वमा निर्वाचन परिचालन कमिटि समेत गठन गरेको छ ।

यसैगरी बस्नेत संयोजक, जितबहादुर केसी र नरबहादुर अधिकारी सदस्य रहेको वार्ता कमिटि समेत गठन गरेको छ । सो अवसरमा बोल्ने व्यवसायीहरुले दाङ जिल्ला उद्योग वाणिज्य संघले व्यवसायीक हित देखि अन्य सबै क्षेत्रमा प्रभाव पार्ने भएका कारण कामकाजी नेतृत्व चयन गर्नुपर्ने आवश्यकता औंल्याए ।

कार्यक्रममा नेपाल पत्रकार महासंघ दाङकाका अध्यक्ष एवम् प्रेस संगठन नेपाल लुम्बिनी प्रदेश संयोजक सविन प्रियासनले उवासंघले दाङलाई लुम्बिनी प्रदेशको राजधानी बनाउने देखि यहाँका नागरिक आन्दोलनहरुका सक्रिय भूमिका निर्वाह गर्दै आएको उल्लेख गर्दै आगामी नेतृत्वले यहाँको विकासका लागि निरन्तर पहरेदारी गर्नुपर्ने बताउनुभयो ।

दाङ जिल्ला उद्योग वाणिज्य संघका अध्यक्ष नारायण भुसालले सर्वसम्मत नेतृत्व चयनका लागि आँफूले पहल गरिरहेको बताउदै सहयोका लागि सबैलाई अपिल गर्नुभयो ।

भेलामा व्यवसायीका नेता देखि विभिन्न व्यापार व्यवसायमा आबद्ध व्यवसायीहरुको बाक्लो उपस्थिति रहेको थियो । भेलाको सञ्चालन व्यवसायी महेन्द्र बुढाथोकीले गर्नुभएको थियो भने । सहभागिलाई स्वागत व्यवसायी जितबहादुर केसीले गर्नुभएको थियो ।

भर्खरै प्रकाशित

घोराही नयाँ बसपार्कमा अम्बिकेश्वरी डेन्टल, एक महिना निःशुुल्क सुुगर परिक्षण

चेतना अनलाइन घोराही, २६ पुुस । दाङको घोराही स्थित नयाँ बसपार्कमा अम्बिकेश्वरी डेन्टल केयर सेन्टर एण्ड फार्मेसी सञ्चालनमा आएको छ । घोराही उपमहानगरपालिका मेयर नरुलाल…

दाङ उवासंघको नयाँ नेतृत्वलाई स्वागत, उत्पादनमुखी व्यवसाय अहिलेको आवश्यकता

चेतना अनलाइन घोराही, २२ पुस । संयुक्त व्यावसायिक प्यानल प्रचारप्रसार समितिले दाङ जिल्ला उद्योग वाणिज्य संघमा निर्वाचित नयाँ नेतृत्वलाई स्वागत तथा शुभकामना प्रदान गरेको छ…

केपि ओलीमा कम्युनिस्ट चरित्र देखिएन : नेता भण्डारी

चेतना अनलाइन तुलसीपुर, १६ मंसिर । अनेरास्ववियूका प्रभावशाली नेता तिलक राज भण्डारिले केपि ओलि कम्युनिस्ट आन्दोलनको कलंक भएको बताउनु भएको छ । अनेरास्ववियू दाङ्गको अगुवा…

भण्डारीको स्मृतिमा श्रद्धाञ्जली

चेतना अनलाइन घोराही, ११ पुस । पुराना कम्युनिष्ट नेता खुमप्रसाद भण्डारीको तेह्रो दिनको पुन्यतिथीको अवसरमा उहाँकै निवास घोराही उपमहानगरपालिका वडा नं १७ वर्गद्धीमा श्रद्धाञ्जलीसभा गरिएको…

पूर्वसभामुख महरालाई भेट्न पुगिन चीनिया राजदुत

चेतना अनलाइन काठमाडौं । चीनिया राजदुत होउ यान्छी र पूर्वसभामुख कृष्णबहादुर महराबीच आज शिष्टाचार भेट वार्ता भएको छ । राजदुत यान्छी नेपाल कम्युनिष्ट पार्टी (नेकपा)…