विकास निर्माणको स्थलगत निरिक्षण गर्दै सांसद् चौधरी

चेतना अनलाइन
देउखुरी, ९ मंसिर । प्रतिनिधिसभा सदस्य एवम् नेपाल कम्युनिष्ट पार्टी (ने.क.पा) का केन्द्रीय सदस्य मेटमणी चौधरीले हुलाकी राजमार्गको स्थलगत निरिक्षण तथा अवलोकन गर्नु भएको छ ।

डीपीआर गरिए अनुसार सडक निर्माण गर्ने क्रममा स्थानीयस्तरबाट समस्या आएपछि सांसद् चौधरी तथा हुलाकी राजमार्ग निर्देशनालय योजना कार्यालय नेपालगन्ज बाँकेका सव इञ्जिनियर सहितको टोलिले सोमबार हुलाकी राजमार्गको स्थलगत अनुगमन तथा निरिक्षण गर्नु भएको हो ।

कालाकाटेदेखि गढवासम्म बीस किलोमिटर उक्त हुलाकी राजमार्ग रहेको छ । उक्त सडकमा खासै समस्या नदेखिएको र गढवा देखि जंग्रहवा सम्म बीस किलोमिटरको दुरीमा केही समस्या देखिएका चौधरीले अनुगमन पश्चात् जानकारी दिनुभयो ।

दाङ निर्वाचन क्षेत्र नं. १ मा गौरवको योजनामा समस्य उत्पन्न भएपछि ईञ्जिनियर सहितको टोलि लगेर स्थलगत अनुगमन गरेको चौधरीले बताउनुभयो । उहाँले भन्नुभयो, ‘विकासको क्रममा समस्या उत्पन्न हुने स्वभाविक कुरा हो । काम गर्ने क्रममा देखिएको समस्यालाई स्थानीयकै विचमा मिलाएर विकासको कामलाई तिब्रता दिनुपर्छ । काम गर्ने क्रममा विरोधको स्वर आउनु स्वभाविक नै हो ।’

विवाद भन्दा पनि आफै विवाद सृजना गरेको अनुगमनमा पाइएको सदस्य चौधरीले बताउनुभयो । ०७६/८/१ देखि गढवा जंग्रहवा जोड्ने हुलाकी राजमार्ग खड्का कृष्ण प्रालिले काम गर्दै आएको छ । योजनाको काम तीन वर्ष भित्र सक्ने हुलाकी राजमार्ग निदेशनालय योजना कार्यालय नेपालगन्ज बाँकेका सव इञ्जिनियर तुलसि यादवले जानकारी दिनुभयो ।

उहाँका अनुसार अहिले सडकमा माटो हाल्ने र ग्राभेल गर्ने, पक्कि नाला निर्माणको काम भइरहेको बताउनुभयो । यता कालाकाटे देखि गढवा सम्मको बीस किलोमिटर हुलाकी राजमार्गको योजना बज्रगुरू कान्छाराम जेभिले लिएको हो । ०७६ कार्तिक २९ गते देखि बज्रगुरूको काम सुरु गरेको हो । तीन वर्षको ठेक्का हो । अहिले सडक स्टकचर, माटो फिलिङको काम भएको हुलाकी राजमार्ग निदेशनालय योजना कार्यालय नेपालगन्ज बाँकेका सव इञ्जिनियर लोकेन्द्र बुढाले जानकारी दिनुभयो ।

सोमबार नेपाल कम्युनिष्ट पार्टी नेकपाका जिल्ला कार्यालय सदस्य सुरामणी बेल्वासे, जिल्ला कमिटी सदस्य सिल्पा चौधरी, सीता चौधरी, कालिराम चौधरी, गढवा गाउँपालिका अध्यक्ष सहजराम यादव, राजपुर गाउँपालिका अध्यक्ष लोकराज केसी, स्वकिय सचिव गौरवसिंह महरा, पुष्पलाल मित्रता दाङका सदस्य मोहम्मद याकुब र हुलाकी राजमार्ग निदेशनालय योजना कार्यालय नेपालगन्ज बाँकेका सव इञ्जिनियरहरूको संयुक्तमा स्थलगत अनुगमन गर्नु भएको थियोे ।

भर्खरै प्रकाशित

घोराही नयाँ बसपार्कमा अम्बिकेश्वरी डेन्टल, एक महिना निःशुुल्क सुुगर परिक्षण

चेतना अनलाइन घोराही, २६ पुुस । दाङको घोराही स्थित नयाँ बसपार्कमा अम्बिकेश्वरी डेन्टल केयर सेन्टर एण्ड फार्मेसी सञ्चालनमा आएको छ । घोराही उपमहानगरपालिका मेयर नरुलाल…

दाङ उवासंघको नयाँ नेतृत्वलाई स्वागत, उत्पादनमुखी व्यवसाय अहिलेको आवश्यकता

चेतना अनलाइन घोराही, २२ पुस । संयुक्त व्यावसायिक प्यानल प्रचारप्रसार समितिले दाङ जिल्ला उद्योग वाणिज्य संघमा निर्वाचित नयाँ नेतृत्वलाई स्वागत तथा शुभकामना प्रदान गरेको छ…

केपि ओलीमा कम्युनिस्ट चरित्र देखिएन : नेता भण्डारी

चेतना अनलाइन तुलसीपुर, १६ मंसिर । अनेरास्ववियूका प्रभावशाली नेता तिलक राज भण्डारिले केपि ओलि कम्युनिस्ट आन्दोलनको कलंक भएको बताउनु भएको छ । अनेरास्ववियू दाङ्गको अगुवा…

भण्डारीको स्मृतिमा श्रद्धाञ्जली

चेतना अनलाइन घोराही, ११ पुस । पुराना कम्युनिष्ट नेता खुमप्रसाद भण्डारीको तेह्रो दिनको पुन्यतिथीको अवसरमा उहाँकै निवास घोराही उपमहानगरपालिका वडा नं १७ वर्गद्धीमा श्रद्धाञ्जलीसभा गरिएको…

पूर्वसभामुख महरालाई भेट्न पुगिन चीनिया राजदुत

चेतना अनलाइन काठमाडौं । चीनिया राजदुत होउ यान्छी र पूर्वसभामुख कृष्णबहादुर महराबीच आज शिष्टाचार भेट वार्ता भएको छ । राजदुत यान्छी नेपाल कम्युनिष्ट पार्टी (नेकपा)…